Американската гимназија Скопје имплементира модерен наставен концепт кој се врти околу активното вклучување на учениците и користењето на современи наставни вештини. Нашиот тим од професори е внимателно избран да го имплементира овој пристап и сите наставници во АГС поминаа низ професионален развој за вештини од 21 век. Тие имаат стекнато разновидни наставни методи и стратегии со цел да обезбедат ефикасно учење на студентите преку различни стилови и стратегии на настава.
Концептот на наставата во АГС се заснова на следните стратегии:
- Активно учење
- Академски игри
- Апстрактно размислувањеБура на идеи
- Студии на случај
- Разговор во училница
- Колаборативно учење
- Споредете и контрастирајте
- Спроведување на експерименти
- Когнитивно учење
- Активности за критичко размислување
- Опис
- Користење на ИТ
- Читање со разбирање
- Работни листови
Наставниот кадар во АГС се состои од ценети универзитетски и средношколски професори, истражувачи и искусни едукатори. Нивната посветеност на учењето е на високо ниво и нивниот пристап го стимулира критичкото размислување кај учениците притоа овозможувајќи им да добијат значајно знаење.
Како дел од наставниот концепт што го спроведуваме, набавивме учебници од реномирани странски издавачи, подготвивме специјализирани прирачници за многу основни предмети, а исто така направивме и мала библиотека со книги од меѓународно познати автори. Покрај ова, математика и физика се изучуваат и онлајн преку студиска програма што ја набавивме од САД. На овој начин, студентите имаат онлајн пристап до програмите и можат да ги завршат домашните задачи, тестовите и квизовите онлајн. Како дополнителна помош во општествените и научните студии, Училиштето има редовна претплата на National Geographic и студентите можат да користат едукативни видеа и текстови во секоја училница. АГС има посебно назначена компјутерска лабораторија, каде што студентите полагаат курсеви по математика, физика и ИТ. Покрај ова, училиштето организира електронско учење на Мудл, со сметки за конкретни предмети, за да можат учениците да имаат пристап до дополнителни информации и методи за успешно учење.
