Покрај формалната наставна програма, АГС е исто посветена на развивање на воннаставни програми прилагодени на учениците. Овие активности вклучуваат различни форми на работа и содржини кои ги задоволуваат интересите на учениците и ги развиваат нивните индивидуални вештини. Училиштето силно верува во тоа дека воннаставните активности се важен аспект од образовниот процес бидејќи ги исполнуваат специфичните функции на општото образование. Исто така, тие им нудат на учениците дополнителен начин за да ги остварат своите индивидуални желби и да се вложат во тоа што навистина им значи.

Изборни предмети

Формалните организирани воннаставни активности во гимназијата вклучуваат два официјални изборни предмети – Светска Уметност и Родови Студии. Учениците можат да изберат што сакаат да изучуваат и да се вклучат активно во овие теми.

Клубови

Во зависност од тоа што сакаат учениците, и соодветно на она што им треба, училиштето има формирано разновидни клубови и активности кои се одвиваат по завршувањето на училишните часови и кои се фокусираат на специфични области на знаење. Овие активности вклучуваат различни видови на работа и содржини, со цел да ги задоволат интересите на учениците и да ги негуваат нивните вештини и способности.

Овие активности дозволуваат учениците да ги развијат своите способности во областите на технологијата, уметноста, спортот, хуманистичките науки и друго. За да се оствари оваа цел, Гимназијата ги проценува и пронаоѓа специфичните интереси на учениците и настојува нив дополнително да ги развие и да ги негува.

Добар пример за ова е Клубот за Претприемништво, познат по името “AHSS Idea Lab”, кој е насочен кон промовирање бизнис принципи на учениците.

Неформални содржини

Училиштето ги охрабрува своите ученици слободно да истражуваат и да создаваат акитвности кои ќе се оддржуваат по завршетокот на училишното време, во кои тие ќе можат слободно да се изразат.  Ние сме горди и среќни што имаме ученици кои се гласни поддржувачи на правата на животните, се борат за правата на жените и се силно еко-свесни. Исто така, училиштето силно навива за своите спортисти и ги поттикнува сите да се инспирираат меѓусебно, бидејќи секој ученик има нешто вредно во себе.